Forside » Arbeidsområder »
Noreg treng ein fjellpolitikk - fråsegn frå årsmøtet
Kay H, Bjerke 28.03.08
I denne fråsegna – vedteken på årsmøtet i fjellregionsamarbeidet – er fokuset samanhengen mellom norsk og europeisk politikkutvikling. Både lokale, regionale og nasjonale styresmakter må arbeide godt saman for å hevde norske interesser sidan internasjonal politikk i stadig aukande grad påverkar norsk distriktspolitikk.
Fråsegna tar for seg disse hovudpunkta:
• Topografi, klima, tunn folkesetnad og avstandsulemper må inn i EU sin politikk innan konkurranse og statsstøtte etter 2013
• Dragkampen for å få til gode løysingar der avgjerder vert tekne på lågaste mogelege nivå, er eit kontinuerleg viktig arbeidsområde både i Noreg og som tema for norsk påverknad av EU-politikk.
• . Inntektssystemet for kommunar og fylkeskommunar må utviklast slik at:
Økonomi til tenesteproduksjon for gjestene i fjellområda er sikra
Økonomi og fullmakter til forvaltning av naturressursane vert sikra – ikkje minst gjeld dette forvaltning av område verna ut frå nasjonale og internasjonale omsyn.
Økonomi som sikrar ivaretaking av verdifullt kulturlandskap
• Norske og europeiske styresmakter må erkjenne den rolla landbruket spelar både som matprodusent og som produsent av positive tilleggsverdiar knytt til landskap og kultur Landbruket og reiselivet i fjellregionen er avhengige av ein aktiv politikk på dette feltet.
• Nisjeproduksjon basert på unike kvalitetar i fjellregionen må sikrast gjennom vern av omgrepet ”fjellprodukt”.
• Ein områderetta politikk må sikre mest mogeleg likskap i tilgang til tenester.
• Noreg har tung eksportorientert næringsliv i distrikta og må derfor ha relativt større fokus på utvikling av konkurransedyktige ”rurale næringsmiljø”. Det er viktig at norske styresmakter legg til rette for praktisk retta utviklingsarbeid for å utvikle føresetnader for innovasjon og nyskaping i næringsmiljøa i distrikta;
Dette perspektivet er ikkje i stor nok grad avspegla i rapporten frå ”Stjernø utvalet (NOU 2008:3: “Sett under eitt. Ny struktur i høgare utdanning”).
Styresmaktene kan i tillegg påverke innhaldet i europeiske program og sikre norsk deltaking.
• Medlemmer i Euromontana arbeider med ein analyse for å ”identifisere framtidig potensiale i europeiske fjellområde”. Norske styresmakter bør delta i dette arbeidet; eit arbeid som kan vere viktig for å få fram realistiske og nyanserte framtidsbilete for europeiske fjellsamfunn
Les hele fråsegna Fråsegn 13.03.08.doc
Utviklet av Godt Sagt Kommunikasjon | Webredaktører: Torunn H. Kornstad og Ann Marit Holumsnes