Forside » Arbeidsområder »
Foredrag og innleiingar frå Årskonferansen i Lom 12.-13. mai
Tekst: Torunn H. Kornstad Foto: Torunn H. Kornstad og Ann Marit Holumsnes
14.06.11
Fjellregionsamarbeidet arrangerte Årskonferanse med rådsmøte i Lom 12.-13. mai. Her finn du ei kort oppsummering, samt foredraga frå konferansen.
Ordførar Simen Bjørgen leia sentrumsvandringa gjennom Lom.
Årskonferansen starta med at ordførar i Lom Simen Bjørgen, og leiar i regionrådet for Nord-Gudbrandsdal, Bengt Fasteraune, ønskte velkomen til kommunen og regionen.
Etter at leiar Svein Borkhus hadde åpna konferansen og Mads Erik Odde vekte forsamlinga med glitrande trekkspel, var det tid for dagens fyrste fagbolk. Temaet var “Villrein og bygdeutvikling”, knytt opp mot prosessane rundt dei regionale planane for dei nasjonale villreinområda som Miljøverndepartementet har initiert. Lars Bjaadal frå styret i FRS leia denne delen av konferansen. Han innleia før statssekretær Heidi Sørensen frå Miljøverndepartementet snakka om “Fjellområda - areal for vern og verdiskaping”. Politisk rådgjevar Anja Hjelseth i Kommunal- og regionaldepartementet følgde opp med sitt innlegg om moglegheitene i villreinområda.
Prosjektleiar for Hardangerviddaplanen Ellen Korvald fortalte konkret om korleis planprosessane tok omsyn også til bygdeutviklingsperspektivet. Frå salen vart det likevel hevda at det som både skal vera planar for villrein og bygder, i stor grad bare har vorti villreinplanar.
Både Storsteigen videregående skole i Fjellregionen/Hedmark og Ål vidaregåande skule i Hallingdal ønskjer å utvikle sitt tilbod innan naturbruk, spesielt retta mot fjellandbruket. Dei vil også gi tilbod til dei som har gjennomført andre utdanningar før dei går inn i landbruket. Gjennom ein felles presentasjon viste rektorane Eivind Aaen fra Storsteigen og Oddvar Skråmestø fra Ål at dei har vyer for framtida, og at dei evnar å samarbeide om utviklinga av tilbodet.
Rektorane Eivind Aaen og Oddvar Skråmestø med felles innlegg om utvikling av naturbruksutdanningstilbodet.
Konferansen gikk føre seg på Norsk Fjellmuseum i Lom, og dei fekk høve til å presentere verksemda si kort før dugurden, som var på Fossheim Hotell.
Etter maten var temaet organisering av reiselivet i fjellregionane. Audun Pettersen frå Innovasjon Norge starta opp, før Tore Haug frå NHO Innlandet presenterte resultata frå strukturutvalet for reiselivet, som vart lagt fram 10. mai. Kristian Jørgensen frå Fjord Norway AS skulle vori med på skypeoverføring, men dessverre vart kvaliteten på overføringa for dårleg. Han hadde bare lagt opp til muntleg framføring, og det ligg difor ikkje føre noko foredrag.
Liv Bjerke frå Oppland fylkeskommune avslutta denne bolken med å presentere FjellNorge.
Fredag morgon presenterte Finn Børre Stokholm frå Landbruks- og matdepartementet tankane rundt eit nettverk mellom Bayern og fjellregionane, knytta opp mot matsatsing og Grüne Woche.
Ei breiare omtale av Årskonferansen og Rådsmøtet kjem seinare.
Utviklet av Godt Sagt Kommunikasjon | Webredaktører: Torunn H. Kornstad og Ann Marit Holumsnes