Forside » Arbeidsområder »
FJELLREGIONANE GODT REPRESENTERT BLANT DEI UTVALDE NATURARVSPROSJEKTA
Eeva-Leena Muurman 13.01.10
Programmet ”Naturarven som verdiskapar” vart lansert i 2008, og prosjekta som får støtte frå MD og KRD er nå valde ut.
”Vidda vinn” er eit av dei ti utvalde prosjekta. Dette er eit samarbeidsprosjekt mellom Tinn og Vinje kommunar i Telemark, der Hardangervidda nasjonalpark står i fokus. Prosjektet skal bidra til at både villrein, grunneigarar og reiseliv rundt vidda vinn. Sjå meir informasjon om prosjektet her.
Verdiskapingsprogrammet skal bidra til at verneområde og andre verdifulle naturområde blir ein viktig ressurs i samfunnsutviklinga, og å betre samarbeidet om verneområda. Midla som blir tildelte skal brukast til å legga til rette for verdiskaping, også innan det kulturelle området. Dette omfattar arbeidet med å løfte fram lokal identitet og stoltheit. Direktoratet for naturforvaltning har ansvaret for verdiskapingsprogrammet, som er finansiert av Miljødepartementet og Kommunal- og regionaldepartementet. Sjå meir informasjon om programmet her.
To til av dei utvalde prosjekta er også forankra i fjellregionane. Prosjektet ”Norges nasjonalparklandsbyar” blir forvalta av Lom kommune, der deltar også Hol, Tolga, Jondal og Nordreisa kommunar. Gjennom Naturarven som verdiskaper ønskjer dei fem nasjonalparklandsbyane å utvikle felles mål og strategiar, bygge opp og dele kompetanse, og skapa synlege tiltak i lokalsamfunna.
Dovrefjellrådet er ansvarleg for prosjektet ”Område- og trafikkutvikling rundt Dovrefjell”. Målet med prosjektet er å laga ein felles plattform for informasjon om verneområda. Han skal både vera tilpassa turistar, fagfolk og kunna brukast i undervisning. Dovrefjellrådet omfattar fire fylkeskommunar og åtte kommunar, blant desse Oppland fylkeskommune og kommunane Dovre og Lesja, og Hedmark fylkeskommune og kommunane Folldal og Tynset.
Utviklet av Godt Sagt Kommunikasjon | Webredaktører: Torunn H. Kornstad og Ann Marit Holumsnes