Forside » Arbeidsområder »
Fjellmatkonferanse på Geilo 7.- 8. februar - meld deg på nå!
Torunn H. Kornstad 17.01.11
Norsk Fjellmatsenter arrangerer i samarbeid med Fjellregionsamarbeidet ein konferanse med tema Norsk Fjellmat 7.-8. februar på Geilo. Konferansen er retta mot både matprodusentar og reiseliv i fjellområda. I løpet av konferansedagane blir det presentasjon av gode døme, erfaringsdeling og tid til diskusjonar. Påmeldingsfrist er 21. januar.
God norsk fjellmat servert på Atnasjø kafé i Sollia.
På fjellmatkonferansen ønskjer arrangørene å samle deltakarar som ser potensialet i den norske fjellmaten. Dette vil vera produsentar av lokalmat i fjellområda, representantar frå reiselivet, matmiljøa, forsking og forvalting, og politiske aktørar. Føremålet med samlinga er å setta nasjonalt fokus på fjellmaten.
Ein del av innlegga vil ta for seg verdiskapingspotensialet for mat produsert i fjellområda, m.a. med døme på korleis det er gjort i Frankrike og Sveits. Aktørar både innan matproduksjon og reiseliv vil fortelja om sine erfaringar innan produksjon og bruk av lokalmat, med ei spennvidde frå Portugal til Nordland. Det vil bli sett fokus på samarbeidet mellom matprodusentane og reiselivet. Ei mogleg merkeordning for fjellmatprodukt vil også bli diskutert.
Konferansen blir arrangert på Dr. Holms Hotell på Geilo og startar opp måndag 7. februar på formiddagen, med avslutning til lunsj tysdag 8. For dei som har lang veg er der mogleg å komma søndag 6. februar. Påmelding innan 21. januar skjer via heimesida til Fylkesmannen i Buskerud, der du også finn det fullstendige programmet.
Velkomen, vi møtest på Geilo!
Utviklet av Godt Sagt Kommunikasjon | Webredaktører: Torunn H. Kornstad og Ann Marit Holumsnes