Forside » Arbeidsområder »
European Mountain Convention - nå er vi i gang
Torunn H. Kornstad 14.09.10
Over 300 europearar samlast nå på Lillehammer til European Mountain Convention for å diskutere fjellpolitikk og innovasjon i fjellområda. Dagen før konferansestart har vori prega av hektisk aktivitet, og nå er det meste klart for oppstart av konferansen onsdag. Da drar over 150 personar på studieturar i Innlandet sine fjellområde. Der skal dei få sjå gode døme på innovasjonar og interessante prosjekt i privat og offentleg regi.
Dei som skal på Euromontana sin generalforsamling onsdag drar på den kortaste studieturen, til Midt-Gudbrandsdalen. Der er temaet m.a. turisme basert på kultur, med Peer Gyntarenaen på Gålå og Rudi gard som naturlege stoppestader.
Dei to lengre studieturane går til Valdres og Østerdalen. På turen til Valdres skal deltakarane sjå døme på eit minikraftverk, og dei vil stoppe på Bioforsk Løken for å høyre meir om verksemda der. På turen til Østerdalen vil også turisme vera i fokus, saman med skog- og trebruk, og offentleg sektor.
Tysdag kveld før konferansestart har deltakarane begynt å komma til hotella på Lillehammer, og samtalene går på mange slags tungemål. Ein må hugse på kva for eit land sidemannen eller -kvinna kjem frå - skribenten her satt og snakka engelsk med opplendingen ved sia av seg ved middagsbordet… Under sjølve konferansen er det ikkje naudsynt å kunna engelsk, da alle foredraga blir tolka. Men i pausene blir det nok snakka engelsk og fransk med alle slags aksentar!
Arrangørane ser fram til tre fine konferansedagar her på Lillehammer og ønskjer deltakarar og presse hjarteleg velkomne!
Det endelege programmet for plenumsdelen av konferansen finn de her.
Deltakarlista finn du her.
Leiar i Fjellregionsamarbeidet Svein Borkhus er med på dugnad for å pakke konferansebagar til deltakarane.
Utviklet av Godt Sagt Kommunikasjon | Webredaktører: Torunn H. Kornstad og Ann Marit Holumsnes