Forside » Arbeidsområder »
Euromontana arrangerer PADIMA-seminar i Torino
Torunn H. Kornstad 22.10.10
Prosjektet PADIMA (Policies against Depopulation in Mountain Areas) tar opp problemstillingar knytta til nedgang i folketalet i fjellregionane. Dette er eit interregprosjekt administrert av Euromontana, med medlemmar frå fem europeiske land. Frå Noreg deltek Hedmark og Buskerud. Det fyrste seminaret etter oppstart av prosjektet blir arrangert i Torino 24.-25. november, og har utdanning og opplæring som tema.
Prosjektet fokuserer på regionalpolitikk med føremål å auke folketalet i fjellbygdene.
Hemsedal (på bildet) er eit døme på at også i fjellbygdene kan folketalet auke
Prosjektet har nå pågått eit snaut år, og seminaret i Torino 24.-25. november har som tema utdanning og opplæring. Programmet har ein tredelt plenumssesjon: Den fyrste delen fokuserer på funn og erfaringar så langt, der fleire representantar frå Buskerud fylkeskommune presenterer resultata sine til nå. Den neste programdelen fokuserer på kva for potensial utdanning og opplæring kan ha for fjellområda, medan den tredje vil vise gode døme. Etter lunsj er det arbeid i parallellsesjonar, medan det dagen etter blir ein studietur. Fullstendig program (på engelsk) finn du her.
Påmelding skjer til Euromontana innan 9. november. Merk at konferansespråka vil vera engelsk, fransk, spansk og italiensk.
PADIMA-prosjektet starta opp i januar 2010 og skal gå ut 2012. Hovedmålsetjinga er å betre den delen av regionalpolitikken som skal resultere i ulike tiltak for å øke folketallet i fjellregionene. Buskerud skal saman med regionen Torino i Italia arbeide med problemstillingar knytta til utdanning, medan Hedmark i samarbeid med Dalarna i Sverige vil ha spesielt fokus på territoriell marknadsføring, dvs. ulike tilflyttingsprosjekt.
Utviklet av Godt Sagt Kommunikasjon | Webredaktører: Torunn H. Kornstad og Ann Marit Holumsnes